भारतले गर्दा देशले निकास पाएन - देव गुरुङ

●लुना

 

 

 

 

भारतले गर्दा देशले निकास पाएन – देव गुरुङ

नेकपा-माओवादीका सचिव देव गुरुङले चार दलबीच हुने सहमतिले देशलाई निकास नदिने बताउनु भएको छ । अहिलेको सरकार भारतको इसारामा चलिरहेकाले राष्ट्रियता गम्भीर संकटमा परेको अवस्थामा यहाँ दलहरुले गर्ने सहमतिले निकास नदिने उहाँको भनाई छ ।

आइतबार नेकपा-माओवादी प्यूठानको दोश्रो जिल्ला भेलामा गुरुङले शान्ति प्रक्रियाका नाममा भारतमा भएको बाह्रबुंदे सम्झौतादेखि भारतले नेपालमा आफु अनुकुल सरकार संचालन गर्दै आएको बताउनु भयो । प्रचण्ड र प्रधानमन्त्री भट्टराईलाई पैसाको लोभ देखाई भारत सरकारले इतिहासमा हुन नसकेका सन्धी सम्झौता पुरा गरिरहेको उहाँको भनाई थियो ।

बैद्यले त्रिभुवन विमानस्थलमा भारत सरकारले सामान्य चेकजाँच चौकी माग्दा त्यहाँको सम्पूर्ण व्यवस्थापन र सुरक्षाको जिम्मा भारतलाई दिने, पार्टीको निर्णय र नीति विपरित राजाहरु, कांग्रेस एमालेले नगरेका दुरगामी असर पार्ने विप्पा सम्झौता, सिमा सुरक्षा, जलविद्युत लगाएतका राष्ट्रघाति सम्झौता गर्दै कम्युनिष्टहरुको सिद्धान्त विपरित चलेको बताउनु भयो । कम्युनिष्ट र क्रान्तिका नाममा एमाओवादी राजा, यथास्थितिवादी दलहरु तल्लो स्तरमा पुगेको उहाँको भनाई छ ।

नेकपा-माओवादीका सचिव गुरुङले पोखरामा विमानस्थलको माग गर्दै भएको आन्दोलन प्रचण्डले चलाएको दावी गर्नुभयो । १२ अर्व कमिसनका लागि प्रचण्डले आन्दोलन गराएको उहाँको भनाई छ ।

: अनलाईन खबर

http://www.onlinekhabar.com/2012/12/16/21503.html

 

About these ads